“Facebook Watch” i padisponueshëm në “Apple TV”

Aplikacioni “Facebook Watch” për televizorët inteligjentë, i cili lejon përdoruesit të shohin shfaqje dhe transmetime të drejtpërdrejta në platformë, mund të mos jetë më i disponueshëm në “Apple TV”, për shkak të përditësimeve më të fundit të teknologjisë.

Disa përdorues thonë se nuk mund të hyjnë më në aplikacion pas përditësimeve më të fundit të kësaj platforme.

Aplikacioni “Facebook Watch TV” nuk është më i disponueshëm, por ende mund të gjeni shumë video të Facebookut në www.facebook.com/watch”, ka thënë një përdorues.

Facebook lansoi aplikacionin e tij Watch në vitin 2017 për herë të parë, për televizorët inteligjentë Samsung.

Aplikacioni është gjithashtu i disponueshëm në disa televizorë të tjerë inteligjentë, përfshirë Apple TV-në.