Adele shtyn performancat në Las Vegas!

Turneu i planifikuar i këngëtares Adele në Las Vegas, i cili pësoi shtyrje për shkak të mosmarrëveshjeve në organizim, siç duket do të vonohet edhe për ca kohë.

Në muajin shkurt, ylli i hitit “Chasing Pavements” u premtoi fansave se koncertet e shumëpritura, do të mbahen patjetër këtë vit.

“The Sun” ka raportuar se disa zyrtarë të sindikatave që përfaqësojnë stafin në “Colosseum”, ku do të mbahen performancat e kantautores 34-vjeçare, e kanë konfirmuar lajmin se disa pjesëtarëve të ekipit rezident u është thënë të shkojnë në shtëpi deri në muajin shtator.

Performancat e planifikuara në Las Vegas kanë për qëllim promovimin e albumit të saj të fundit, këngët e së cilit janë frymëzuar nga ndarja  e kengetares .

“30” u vlerësua lart nga kritikët dhe u bë albumi më i shitur i vitit 2021 në Britaninë e Madhe, vetëm gjashtë javë pas daljes në treg.