“Sunny Hill” zhvendoset nga Prishtina. Festivali do të mbahet në Tiranë

“Sunny Festival 2022” i cili pritej të mbahej në Prishtinë në muajin gusht është anuluar.

Kjo është bërë e ditur nga faqja zyrtare e festivalit  “Sunny Hill” dhe nga themeluesi i këtij festivali, Dukagjin Lipa.

Ai thotë se vendimi ishte i vështirë dhe se po pret ditë më të mira e rikthim sa më të shpejtë në Kosovë.

Ky i fundit në një postim të shpërndarë në rrjete sociale ka zbuluar letrën të cilën ia ka dërguar krerëve të shtetit.

Sipas letrës,vendimi vjen si pasojë e mos sigurimit në kohë të kapaciteteve për realizimin e festivalit,vecanerisht në raport me vendndodhjen e sigurt të tij.

Bëhet me dije se “Sunny Hill” pa asnje ndryshim datash do të mbahet  në kryeqytetin e Shqipërisë, Tiranë.

“Sunny Hill” do të mbahet në  datat 4,5,6,7 gusht 2022.