Mick Jagger infektohet me covid! “Rolling Stones” anulojnë koncertet

Grupi legjendar i rrokut, “The Rolling Stones”,  kane  anuluar një koncert në Amsterdam kjo pasi vokalisti i grupit, Mick Jagger, rezultoi pozitiv me koronavirus.

Diagnoza e Jaggerit u konfirmua në një komunikatë për mediat  në profilin  e grupit në Instagram.

“Grupi ‘The Rolling Stones’ është detyruar ta anulojë koncertin e sotëm në Amsterdam, kjo pasi Mick Jagger rezultoi pozitiv me COVID-19.

Të gjithë pjesëtarëve të grupit u vjen keq për shtyrjen e koncertit, por siguria e publikut, kolegëve muzikantë dhe e gjithë ekipit të turneut është më me prioritet”.

Sipas kësaj deklarate, koncerti do të mbahet në një datë tjetër dhe biletat e blera tashmë nga fansat do të jenë të vlefshme.