Ka një arsye të fortë pse Johnny Depp & Jeff Beck e titulluan albumin e fundit “18”.

Johnny Depp ka njoftuar se ai dhe kitaristi legjendar, Jeff Beck do të publikojnë një album muajin e ardhshëm, i cili do të përmbajë kryesisht “covera” të disa këngëve.

Albumi me 13 këngë të dyshes do të titullohet “18” dhe do të publikohet më 15 korrik.

Ata thanë se e titulluan albumin me këtë numër pas shpërthimit krijues dhe frymëzimit  që ndjenë teksa punonin bashkë.

“Ne po bënim shaka se si u ndjemë sërish 18 vjeç, kështu u bë edhe titulli i albumit,” tha Beck në një deklaratë.

Depp, prej kohësh anëtar i grupit rock “Hollywood Vampires” me Alice Cooper dhe Joe Perry, filloi regjistrimin me Beck në vitin 2019 ndërsa  i është bashkuar edhe turneut aktual evropian të Beck.