Doreza robot në duar! E provon i pari Jeff Bezos (video)

Miliarderi amerikan Jeff Bezos ishte pjesë e një panairi të teknologjisë, ku vendosi të
provojë personalisht dorezat që pasi i vendos në duar – roboti imiton lëvizjet e tij. Ai
madje sfidon veten duke vendosur kështu që me ato doreza të kapë filxhanin e kafesë
dhe topin – ku roboti imitonte këto lëvizje dhe bënte po të njëjtat veprime.

E në një moment ai është sfiduar që ta zgjidhë kubin e Rubikut, por ai me një dozë shakaje tha
se këtë nuk mund ta zgjidhë me duart e tij, por se do të tentojë ta bëjë me duart e
robotit. Këto doreza janë të dizajnuara si një lloj pasqyre, në momentin që futen në
duart e njeriut, ato imitojnë dhe transmetojnë lëvizjet tek duart e një roboti.Ngjarja është
zhvilluar në Las Vegas, ku drejtori ekzekutiv i Amazon mori pjesë për të parë më të rejat
në fushën e teknologjisë.