“Aerosmith anulojnë koncertet,Steven Tyler në rehabilitim!

“Aerosmith”,  ka anuluar disa koncerte të planifikuara në Las Vegas, kjo pasi vokalisti Steven Tyler është detyruar të regjistrohet në qendër rehabilitimi.

Artisti  ka qëndruar larg drogërave  për më shumë se një dekadë, por iu kthye përdorimit të tyre pas marrjes së ilaçeve kundër dhimbjes, të cilat ia kishte përshkruar mjeku pas një operacioni në këmbë.

Në një deklaratë për media, “Aerosmith” kërkoi falje për anulimin e koncerteve, veçanërisht duke shprehur keqardhje për fansat besnikë të cilët shpesh udhëtojnë nga vende të largëta për t’i ndjekur performancat e grupit.

Në fillim të vitit,  grupi i famshëm i rrokut  anuloi turneun e shumëpritur evropian, për shkak të pasigurisë rreth logjistikës së udhëtimit dhe pranisë së vazhdueshme të masave anti-Covid.

Tyler edhe në të shkuarën ka diskutuar për betejën e tij me varësinë nga drogën. Në një intervistë për revistën “GQ”, muzikanti kishte deklaruar se marrja e drogës ishte diçka që të gjithë rokerët e bënin në vitet ‘70.