COVID nuk ka mbaruar. Këto janë nënvariantet e Omicron që janë ende të përhapura dhe që paraqesin shqetësim

Dy vjet që nga fillimi i pandemisë së COVID-19, ne kemi dëgjuar për variantet Alpha, Beta, Gamma, Delta dhe Omicron, ndërsa këtë vit nuk është shfaqur asnjë variant i ri deri më tani.

Në vend të kësaj, u shfaqën një varg nënvariantesh të Omicron. Ato në thelb shfaqin mutacione të ndryshme në proteinën spike që lejon virusin të infektojë qelizat. Nënvariantet janë emëruar: BA.1, BA.2, BA.3, BA.4 dhe BA.5. Janë konfirmuar edhe forma rekombinante si XE, që është një kombinimi nënvarianteve BA.1 dhe BA.2.

BA.4 dhe BA.5: ‘Variantet e shqetësimit’

Edhe më të transmetueshme se BA.1, BA.2 ose BA.3 janë nënvariantet BA.4 dhe BA.5.

Vetëm kini parasysh se deri tani, sa më i lartë të jetë numri, aq më ngjitës është nënvarianti.

BA.4 dhe BA.5 u zbuluan për herë të parë në Afrikën e Jugut përkatësisht në janar dhe shkurt 2022, dhe që atëherë ato janë bërë variantet dominuese atje.

Qendra Evropiane për Parandalimin dhe Kontrollin e Sëmundjeve (ECDC) i ka klasifikuar tani BA.4 dhe BA.5 si “variante shqetësuese” për shkak të përhapjes së tyre të shpejtë, veçanërisht në Portugali.

ECDC thotë se BA.4 dhe BA.5 “mund të shkaktojnë një rritje të përgjithshme të konsiderueshme të rasteve të COVID-19 në BE/EEA në javët dhe muajt e ardhshëm” dhe së shpejti do të bëhen variantet dominuese në rajon.

A janë BA.4 dhe BA.5 më të rrezikshme?

Ndërsa të dy nënvariantet e Omicron janë më ngjitëse se ato të mëparshmet, aktualisht nuk ka asnjë indikacion se ato janë më të rënda dhe OBSH thotë se studimet mbi këtë temë janë duke u zhvilluar.

ECDC ka një vlerësim të ngjashëm.

“Bazuar në të dhënat e kufizuara aktualisht të disponueshme, nuk pritet asnjë rritje e konsiderueshme në ashpërsinë e infeksionit në krahasim me variantet qarkulluese BA.1 dhe BA.2,” tha ai.