“Billboard Music Awards” triumfon Olivia Rodrigo me 7 çmime

Kete fundjave  mbajt edicioni i 29-të i ceremonisë së ndarjes së çmimeve “Billboard Music Awards” në Las Vegas, me emrat  më të njohur të industrisë së muzikës.

Dua Lipa, triumfoi në dy kategori  duke fituar  çmimet, “Kënga më e dëgjuar në radio” për hitin e saj, “Levetating”, dhe “Kënga më e mirë Dance/Electronic” që shkoi për hitin “Cold Heart”  në bashkëpunim me ikonën e muzikës, Elton John. Dua nuk ishte  e pranishme në skenë për t’i pranuar trofetë e saj, pasi aktualisht është duke e realizuar turneun  botëror “Future Nostalgia”.

Por, fituesit kryesor të këtij edicioni të ceremoninë ishin pa diskutim, këngëtarja Olivia Rodrigo, reperi Kanye West dhe rep artistja Doja Cat.

Rodrigo i rrëmbeu gjithsej shtatë trofe në kategori të rëndësishme të tilla si, “Artistja më e mirë e re”, “Artistja më e mirë”, “Artistja më e suksesshme në toplistë”, “Artistja me këngët më të transmetuara”, “Albumi më i mirë” dhe të tjerë. Kanye West triumfoi në kategoritë e dedikuara muzikës kishtare duke  fituar gjithsej 6 çmime. Ndërsa, këngëtarja dhe rep-artistja, Doja Cat, mori  katër çmime gjatë mbrëmjes përfshirë këtu kategoritë, “Artistja më e mirë e muzikës R&B” dhe “Albumi më i mirë R&B”.

Ceremonia “Billboard Music Awards” u prezantua nga reperi dhe producenti i njohur muzikor, Sean “Diddy” Combs.