Çekia, shteti i parë i NATO-s që dërgon tanke në Ukrainë

Republika Çeke ka dërguar tanke dhe mjete luftarake këmbësorie në Ukrainë, duke u bërë kështu vendi i parë i NATO-s që siguron armaturën e rëndë që Kievi kërkonte.

Më shumë se 12 tanke T-72 si dhe një numër mjetesh luftarake të këmbësorisë BVP-1 janë ngarkuar në trenat me destinacion Ukrainën.

Automjetet do të ofrojnë fuqinë e nevojshme të zjarrit për ushtrinë ukrainase, ndërsa betejat përballë agresionit rus vazhdojnë në të gjithë vendin.

Rusia ka paralajmëruar vendet e NATO-s të mos dërgojnë mjete të artilerisë së rëndë në Ukrainë, pasi sipas tyre, kjo do ta ashpërsonte edhe më shumë luftën.