Sot Dita e Verës, tradita e lashtë e ndërrimit të stinëve

Sot në mbarë vendin festohet “Dita e Verës”, një festë me origjinë të lashtë. “Dita e Verës”, është një festë pagane që festohet në të gjithë zonën e Elbasanit, por edhe qytete të tjera të Shqipërisë.

Origjina e festës i ka gjurmët në tempullin e Zanës së Malit të ndërtuar pranë lumit Shkumbin në Elbasan.

Festimet kanë nisur që një natë para ku qytetarët kanë ndezur zjarrin që simbolizon zjarrin e fundit për të larguar dimrin dhe të këqijat për të rikthyer dritën e shpresës tek njerëzit.

Elbasani është qyteti që e ka këtë festë tradicionale edhe pse Dita e Verës festohet gjerësisht thuajse në të gjithë vendin.

Ky është viti i parë, pas plot dy viteve pandemi, që qytetarët e festojë një Ditë Verë pa karantinë dhe pa orë policore për shkak të COVID.

Kjo festë është e mbushur me lule shumëngjyrëshe, muzikë dhe kërcime në sheshe dhe ballakume si ëmbëlsira tradicionale.