Tërësisht të paralizuar, por fillojnë të ecin përsëri.

10/02/2022

Implanted spinal stimulation device allows patients to stand, walk and swim

Tre burra plotësisht të paralizuar kanë filluar të ecin përsëri. Lajmi bëri xhiron e botës pas publikimit të studimit në “Nature Medicine”. Një ekip studiuesish nga Instituti Federal Zviceran i Teknologjisë (EPFL) dhe Spitali Universitar i Vaud në Lozanë, aplikuan sistemin e tyre në tre pacientët me dëmtime të plota të shtyllës kurrizore. Ky sistem përbëhet nga elektrodat e vendosura direkt në palcën kurrizore që simulojnë punën që bën truri kur udhëzon gjymtyrët të lëvizin.

Dëmtimet në palcën kurrizore bllokojnë kalimin e sinjaleve elektrike nga truri që u japin udhëzime nervave përgjegjëse për lëvizjen e gjymtyrëve. Këto janë lëndime që shërohen rrallë dhe shkaktojnë forma të ndryshme të paralizës. Por si anashkalohen këto dëmtime? Ekipi, i udhëhequr nga neuroshkencëtari Grégoire Courtine dhe neurokirurgu Jocelyne Bloch, ka punuar prej vitesh në stimulimin elektrik për të riaktivizuar neuronet kurrizore.

Me një eksperiment që përfshiu tre persona me një dëmtim të plotë të palcës kurrizore, ishte e nevojshme të implantoheshin elektroda direkt në palcën kurrizore, nën rruazat. Janë elektroda që lëshojnë impulse elektrike të cilat imitojnë sinjalet që qarkullojnë në shtyllën kurrizore.

Elektrodat janë të lidhura me një softuer të inteligjencës artificiale: “Duke i kontrolluar këto implante ne mund të aktivizojmë palcën kurrizore siç do të bënte truri natyrshëm për ta bërë pacientin të qëndrojë, të ecë, të notojë ose të ngasë një biçikletë”, shpjegon Grégoire Courtine.

Një nga pjesëmarrësit në eksperiment është edhe Michel Roccati, një tridhjetë vjeçar italian i paralizuar pas një aksidenti me motor katër vjet më parë. Dhjetorin e kaluar ai provoi sistemin, duke përballuar dëmtimin e tij dhe pas vetëm një dite nga implanti ishte në gjendje të kontrollonte lëvizjet, ndërsa as 5 muajsh rehabilitimi specifik kapi këmbësorin dhe filloi të ecte. Jo vetëm kaq: falë softuerit, ai është gjithashtu në gjendje të pedalojë dhe të notojë.

Written by: Sasha Ndreka