Listeners:
Top listeners:
play_arrow
LIVE CLUB FM SHQIPËRI
play_arrow
LIVE CLUB FM KOSOVË KOSOVË
play_arrow
LIVE RADIO SHQIP DËGJO SHQIP
play_arrow
LIVE SHQIP POPULLORE Vëtëm Këngë Popullore
play_arrow
LIVE CLUB BAR
play_arrow
LIVE CLUB BAR BIT
Përdorimi i duhanit nga gratë dhe vajzat në Evropë mbetet në nivele shqetësuese, ndërsa përpjekjet për ta reduktuar atë po ecin shumë më ngadalë se në pjesën tjetër të botës. Alarmi vjen nga Organizata Botërore e Shëndetësisë, në një raport të publikuar më 17 nëntor, i cili evidenton se Evropa dhe Azia Qendrore janë të vetmet rajone që nuk kanë arritur objektivat globale për uljen e konsumit të duhanit te gratë.
Sipas raportit, rreth 63 milionë gra në rajonin evropian përdorin produkte duhani. Gjatë periudhës 2010–2025, përdorimi te gratë ka rënë me vetëm 12%, nga 19.6% në 17.3%. Në të njëjtën periudhë, te burrat rënia ka qenë 23%. Madje, në 15 vende të rajonit, konsumi i duhanit nga gratë është në rritje.
Një tjetër shqetësim lidhet me vajzat adoleshente. Sipas të dhënave të OBSH-së, vajzat evropiane të moshës 13–15 vjeç kanë ndër nivelet më të larta të përdorimit të duhanit në botë. Ndërkohë, rreth 14% e adoleshentëve në këtë grupmoshë përdorin cigare elektronike, pothuajse dyfishi i mesatares globale.
Të dhënat tregojnë gjithashtu se në 29 vende të rajonit vajzat kanë të njëjtën shkallë ose më shumë gjasa se djemtë për të përdorur duhan, ndërsa në 35 vende ky fenomen vihet re edhe te cigaret elektronike. Sipas OBSH-së, vajzat e moshës 13–15 vjeç në Evropë kanë prevalencën më të lartë të përdorimit të duhanit në nivel global, me 11.4%.
Problemi është edhe më i gjerë nëse shihet ndikimi në shëndetin publik. Mbi 22% e të rriturve në rajonin evropian përdorin duhan, ndërsa rreth 1.6 milionë persona humbin jetën çdo vit nga sëmundjet e lidhura me të.
Përballë kësaj situate, OBSH u ka bërë thirrje qeverive të rrisin taksat mbi produktet e duhanit, të forcojnë ndalimin e reklamave, të zgjerojnë zonat pa duhan dhe të vendosin rregulla më të forta për cigaret elektronike, me synim mbrojtjen e veçantë të të rinjve.
Organizata paralajmëron se pa masa më të forta, Evropa rrezikon të mbetet rajoni me nivelin më të lartë të përdorimit të duhanit në botë edhe në vitet e ardhshme.
Written by: Neada Mucaj
Copyright Radio Club FM
Post comments (0)