Lajme


Rikthehen vizitorët në muzetë dhe në Galerinë Kombëtare

Postuar nga admin

30th July 2021



Turizmi kulturor një vit më parë rezultoi ndër më të goditurit në Shqipëri dhe gjithë botën. Në kë të sezon vihet re rikthimi i vëmendjes së vizitorëve në muzetë dhe galeritë në kryeqytet, pas pandemisë.

Drejtorja e muzeut kombëtar të Përgjimeve “Shtëpia me Gjethe” Etleva Demollari, thotë se ka një trend pozitiv në këtë sezon turistik, gjë që çon tek përafrimi i shifrave me vitin 2019, para pandemisë.

Ky muze rezulton i vizituar më shumë nga të huajt, këtë Demollari e lidh edhe me çmimin ndërkombëtar. Edhe Muzeu Historik Kombëtar, i cili është hapur ne 17 maj, sipas statistikave ka shënuar një rritje të numrit të vizitorëve ku dominojnë turistët e huaj.

Galeria Kombëtare gjithashtu rezulton me një fluks vizitoresh, sidomos përgjatë muajit korrik. Muzetë dhe Galeria e Arteve vazhdojnë të respektojnë masat anticovid. Dhe orari ne sezonin e verës për vizitorët është cdo ditë të javës nga ora 09:00 deri në 18.00.

Muzeu historik kombëtar

Për periudhën qershor- korrik 2021
Vizitorë vendas 616
Vizitorë të huaj 1612
Hyrje e lirë      1223

Galeria Kombëtare
Për periudhën qershor – korrik
Vizitorë vendas 1300
Vizitorë të huaj 1700