play_arrow

keyboard_arrow_right

Listeners:

Top listeners:

skip_previous play_arrow skip_next
00:00 00:00
playlist_play chevron_left
volume_up
chevron_left
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

Interesante

Makina fluturuese AirCar shumë pranë realitetit

today26/01/2022

Background
share close

Makinat fluturuese mund të bëhen realitet brenda disa vitesh. Kompania, Klein Vision, prototipi i të cilës ka marrë një çertifikatë ajrore nga Autoriteti Sllovak i Transportit, në përputhje me standardet evropiane të aviacionit (EASA), thotë se makina e saj fluturuese AirCar, tani është një hap më pranë hedhjes në treg.

AirCar': Dual-mode vehicle that can transform from a car into a plane is  certified to fly after passing tests in Slovakia | Science & Tech News |  Sky News

Makina fluturuese AirCar po bën prova në kryeqytetin sllovak të Bratislavës. Me krahë që hapen dhe mbyllen, makina fluturuese përdor një motor 160 kuaj fuqi të firmës BMW, helika dhe parashutë speciale.

AirCar ka kryer 70 orë fluturime provë, 200 ngritje dhe ulje dhe aktualisht po teston kthesat me kënd 45 gradë.

Anton Zajac, bashkëthemelues dhe këshilltar i firmës Klein Vision thotë se makina fluturuese ka marrë çertifikatën ajrore në përputhje me standartet evropiane.

“Çertifikata konfirmon se mjeti ynë është ndërtuar në përputhje me të gjitha rregulloret e sigurisë në bazë të agjencisë evropiane të aviacionit.”

Trafiku i dendur dhe nevoja për të patur liri qarkullimi ndikuan tek ideja për krijimin e makinës fluturuese, thotë zoti Zajac.

Klein Vision AirCar Flying Car | HiConsumption

“Makinat kanë qënë simbol i lirisë së lëvizjes. Shpesh e gjejmë veten të bllokuar në trafik. Objektivi ynë është t’ua kthejmë lirinë e lëvizjes atyre që kanë lejen e pilotit dhe njëkohësisht mund të ngasin një makinë. Ata mund të ngjiten në ajër dhe përshkojnë distanca deri në një mijë kilometra.”

Prototipi aktual mund të përshkojë një distancë prej 500 kilometrash dhe kërkon 28 litra karburant. Makina fluturuse tingëllon paksa futuriste por zoti Zajac ka besim se ekziston një treg për mjetin që mund të kushtojë rreth 600-700 mijë dollarë.

Aktualisht, kompania është duke punuar në prototipin e saj të ardhshëm, i cili do të përshkojë një distancë prej 1000 kilometrash me një shpejtësi 300 kilometra në orë.

Disa argumentojnë se hapësira ajrore do të rëndohet pasi mes të tjerave është shtuar edhe përdorimi i dronëve. Por zoti Zajac thotë se AirCar është më efikas.

Shumë kompani po përpiqen të rrisin gamën e prodhimit të mjeteve ajrore elektrike ndërsa auto-industria është fokusuar tek makinat elektrike. E gjithë enigma qëndron tek fuqia e baterisë, pesha e saj dhe përshtatja tek industria ajrore.

Written by: Sasha Ndreka

Rate it

Post comments (0)

Leave a reply

Your email address will not be published. Required fields are marked *