Interesante


Revista Time shpall ” Njeriu i Vitit”. Fituese, grate qe “thyen heshtjen”.

Postuar nga Isida Muco

7th December 2017



Personi i vitit sipas “Time Magazine” nuk është një person. Kjo mund të tingëllojë pothuajse si një oksimaron, por për të pushtuar kopertinën e çështjes vjetore të revistës amerikane kushtuar personalitetit që ka ndikuar në rrjedhën e ngjarjeve të  vitit 2017 nuk ishte një individ, por një grup njerëzish, një grup grash për të qenë më të saktë. Ato janë përfaqësueset e lëvizjes #metoo, hashtag i krijuar dhjetë vjet më parë nga aktivistja Tarana Burke, e cila në muajt e fundit ka mbledhur deklaratat shok të miliona grave nëpër botë si rezultat i skandalit që përfshiu ish-producentin amerikan Harvey Weinstein, i akuzuar për ngacmim seksual nga shumë aktore të Hollivudit (por jo vetëm). Një cover që është mbi të gjitha një atribut i forcës dhe kurajos për gratë (historikisht këtë çmin e kanë marrë kryesisht burra, nga Joseph Stalin në Mark Zuckerberg) të grupuar nën etiketën e “Silence Breakers”, ose ata që kanë thyer heshtjen mbi dhunën seksuale, për të cilën ata ishin viktima. “#metoo ishte lëvizja shoqërore që ka lëvizur më shpejt në vitet e fundit dhe ka filluar përmes akteve individuale të guximit të grave dhe disa burrave” -shpjegon Edward Felsenthal, drejtori i “Time”që për këtë rast ka zgjedhur t’u japë zë grave me prejardhje të ndryshme sociale, moshave dhe kombësive për të kthyer në qendër të vëmendjes një lëvizje universale, e cila nuk ka ende një emër zyrtar, por sigurisht një dëshirë të madhe për t’u njohur dhe dëgjuar.